irrelevance..

പതിനൊന്നു മണി നേരം

2008-10-01T21:30:00.002+05:30

11 Am in kerala, originally uploaded by shajir.

നിഗൂഡം

2008-01-15T11:42:00.001+05:30

mystic, originally uploaded by നളന്‍::nalan.

പുലി നമ്പ്ര: 60

2008-01-04T01:57:00.000+05:30

എന്തോ,
ഫോക്കസ് ബട്ടണും ഈ പുലിയും തമ്മിലൊരു വൈരുദ്ധ്യാത്മക....

ദേ വീണ്ടും!!
ആ ‘പച്ച’യിലായിരുന്നു ഫോക്കസിയത്..

മെറി ക്രിസ്മസ്

2007-12-25T12:19:00.000+05:30

മയിലാട്ടം

ബൂലോകര്‍ക്കെല്ലാവര്‍ക്കും സ്നേഹം നിറഞ്ഞ ക്രിസ്തുമസ് ആശംസകള്‍

ഈറനണിഞ്ഞ്

2007-12-20T02:07:00.001+05:30

പുലി

2007-11-09T16:33:00.000+05:30

റൂള്‍ നബ്ര 1: തിരിഞ്ഞു നോക്കരുത്

റൂള്‍ നബ്ര 2: പരസഹായം

റൂള്‍ നബ്ര 3: പുല്ല് തിന്നാല്‍ വെള്ളം കുടിക്കണം

എന്ത് പുലിയല്ലന്നോ? ഇന്നത്തേക്കിതു പുലി തന്നെ

ഓളവും തീരവും

2007-05-09T10:50:00.000+05:30

കുറച്ചു മൊബൈല്‍ പടങ്ങള്‍ (ജാമ്യം)

നിമിഷ കലയായിരുന്നു അതു്, ഒളവും തീരവും ചേര്‍ന്നൊരുക്കിയ വിരുത്.
വല്ലപ്പോഴും വന്നുപോകുന്ന അതിഥികളായ് മാറിയതിന്റെ പരിഭങ്ങളൊന്നും ഇല്ലാതെ.

കാറ്റിന്റെ ഈണത്തില്‍ രചിച്ച ചിത്രങ്ങള്‍
ഒന്നൊന്നായി മിന്നിമാറിയയപ്പോള്‍..

അഷ്ടമുടിക്കായല്‍ തീരം.

സൂര്യ കിരണ്‍

2007-02-12T17:01:00.000+05:30

ബാംഗ്ലൂറിലെ യലഹങ്കയില്‍ ഇന്നലെ സമാപിച്ച AERO-2007 ലെ സൂര്യ കിരണ്‍ സംഘത്തിന്റെ പ്രകടനത്തിലെ ചില ദൃശ്യങ്ങള്‍.

From AirShow- Sury...

സൂര്യ കിരണിനെപ്പറ്റിയുള്ള വിക്കി ലേഖനം.

ഇന്ത്യന്‍ വ്യോമസേനയുടെ വക കുറിപ്പ് ഇവിടെ

1996 രൂപീകൃതമായ സൂര്യകിരണ്‍ തന്നെ ഇക്കുറിയും എയര്‍ ഷോയിലെ ‘crowd puller ഉം വിസ്മയവും.

കപ്പയ്ക (പപ്പായ)

2007-02-01T19:18:00.000+05:30

From kerala

കപ്പയ്ക്ക അല്ലെങ്കില്‍ ഓമയ്ക്ക അല്ലെങ്കില്‍ പപ്പായ.

കപ്പയ്ക്കയുടെ സ്വന്തം നാട്ടില്‍ നിന്നും..

കാലാള്‍ പട

2007-02-01T08:37:00.000+05:30

front warriors, originally uploaded by nalan::നളന്‍.

മൂര്‍‌ച്ചയുടെ വാളേന്തിയ മുന്നണിപ്പോരാളികള്‍

മഞ്ഞും ഫാളും മറ്റും

2006-12-03T10:01:00.000+05:30

കണക്റ്റിക്കട്ട് ഒരനുഭവം തന്നെയായിരുന്നു. ന്യൂ ജേഴ്സിക്കും ന്യൂ യോര്‍ക്കിനുമൊക്കെ അടുത്തായി സ്ഥിതി ചെയ്യുന്ന ഒരു കൊച്ചു സംസ്ഥാനം. ലോകത്തിലാദ്യത്തെ കോണ്‍സ്റ്റിറ്റൂഷന്‍ എഴുതപ്പെട്ട നാട്. പഴയ ബ്രിട്ടിഷ് കോളനി വാഴ്ചയെ ഓര്‍മ്മിപ്പിക്കുന്ന നാമകരണങ്ങളാണു മിക്ക നഗരങ്ങള്‍ക്കും മാഞ്ചസ്റ്റര്‍,ഹാര്‍ട്ട്ഫര്‍ഡ്..

വര്‍ഷത്തില്‍ മൂന്നാലു തവണ പുടവ മാറുന്ന പ്രത്യേകതകൂടിയുണ്ട് ഇവിടുത്തെ മനോഹരമായ പ്രകൃതിക്ക്.

ഫാളിന്റെ പടംങ്ങളൊരുപാടെടുത്തിരുന്നു.
“എല്ലാ പടവും നിങ്ങളു തന്നെയെടുക്കും എനിക്കൊന്നും എടുക്കാന്‍ തരില്ല” (പരാതി)
“അയ്യോ സോറി അടുത്തത് നീ എടുത്തോ”
അടുത്ത വഴിവക്കില്‍ വണ്ടി നിറുത്തി, അവളു ക്ലിക്കി..

From Fall -Nov 05

ഞാനെടുത്ത എല്ലാ പടങ്ങളേയും ഈ ഒറ്റ ക്ലിക്കുകോണ്ടു ചവറ്റുകൊട്ടയിലേക്ക് .. അതാ ഫാള്‍ പടങ്ങളൊന്നും ഇവിടെ ഇടാതിരുന്നത്.

കാറ്റിനു ശേഷം

From Fall -Nov 05

കൂടെവിടെ ?

From Winter in CT

നിറങ്ങളെ മുഴുവന്‍ തുരത്തിയതിയോടിച്ചതിന്റെ തിമിര്‍പ്പില്‍.

From Winter in CT

ശാന്തിക്കും സമാധാനത്തിനുമൊക്കെ ഒരു വെള്ള നിറം ആരാ തിരഞ്ഞെടുത്തത് ?

ഇതിന്റെ ഫാളിലുള്ള കാഴ്ച താഴെ, ബഹുവര്‍ണ്ണ പുടവകളോടെ..

From Fall -Nov 05

ആയിരം കൈയ്യുമായ് വസന്തത്തെ എതിരേറ്റപ്പോള്‍..

From Spring in CT

കൂടുതല്‍ പടങ്ങള്‍ പിക്കാസ ആല്‍ബത്തിലിട്ടിട്ടുണ്ട്..

കൌമാരം

2006-10-25T22:32:00.000+05:30

പാവാടപ്രായത്തില്‍ നിന്നെ ഞാന്‍ കണ്ടപ്പോള്‍..
ഹാവൂ ആമ്പലിന്റെ പടം ചോദിച്ചതാരായിരുന്നു!. ആ ചങ്ങാതിക്കുവേണ്ടി..

പാലാണു് തേനാണു്..തീയാണു്..

അറിവിലേക്ക്

2006-09-29T08:27:00.000+05:30

അച്ഛന്റെ മടിയിലിരുന്നവള്‍ അറിവിന്റെ ആദ്യാക്ഷരങ്ങള്‍ കുറിയ്ക്കാനൊരുങ്ങുന്നു.
അക്ഷരങ്ങളുടെ ലോകത്തേക്കുള്ള ആദ്യചുവടുകള്‍

അക്ഷരങ്ങള്‍ക്കായൊരുങ്ങിക്കഴിഞ്ഞുവെന്നവള്‍ സ്വന്തം മുഖത്തും ചുവരുകളിലൊക്കെ കുറിച്ചുവച്ചിരുന്നു.

അക്ഷരം അറിവിലേക്കുള്ള വഴിയാണു്.
അറിവില്ലായ്മയുടെ വിശാലസുന്ദര ലോകത്തുനിന്നവള്‍ അറിവെന്റെ ചെറിയ ലോകത്തേക്ക് പതിയെ പതിയെ..
കൂട്ടിനു് അല്പജ്ഞാനിയായ ഞാനും.

ഒരറിവും പൂര്‍ണ്ണമല്ല. ശാസ്ത്രീയമായതും വേദാന്തവും അദ്വൈതവും തുടങ്ങി സമസ്ത അറിവുകളും ചേര്‍ത്തുവച്ചാലും അറിവിന്റെ (അല്ലെങ്കില്‍ അറിവില്ലായ്മയുടെ) വിശാലമായ സമുദ്രത്തിലൊരു കൈക്കുമ്പിളോളം വരില്ലായിരിക്കും.
അറിവില്ലായ്മയുടെ ഭീകരരൂപം കണ്ടു ഭയന്നിട്ടാവണം
മഴത്തുള്ളി അഹം ബ്രഹ്മാസ്മി മന്ത്രമുരുവിട്ട്
നിലത്തേക്കിറ്റുവീണദ്വൈതിയായത്.

ഉറക്കം

2006-09-07T08:17:00.000+05:30

മനുഷ്യപുത്രനു തല ചായ്ക്കാന്‍ മണ്ണിലിടമില്ല
കഴുത്തിനിതുപോലെ നീളമുണ്ടായിരുന്നെങ്കില്‍
മണ്ണിലെടമില്ലെങ്കിലും സാരമില്ല.

മയക്കത്തില്‍ നിന്നുമുണരുന്നതെങ്ങനെയെന്നു ഇവിടെ പറഞ്ഞിട്ടുണ്ട്, അതു മനുഷ്യന്റെ കാര്യം, ഇതു വേറെ.

സോപ്പുകുമിളകള്‍

2006-08-14T00:41:00.000+05:30

പത്തലിന്റെ ഇലയുടെ തണ്ടൊടിച്ചു് കറയൂതി കുമിളയുണ്ടാക്കിക്കളിച്ചതു്..
പിന്നീട് കഴുകിയാല്‍ പോകാത്ത കറയുമായി..
ആ കുപ്പായമെവിടെ?

ദേ ആരോ എത്തിനോക്കുന്നു. ആരടേയ് !

ദേ വീണ്ടും ലവന്‍, നിന്നെയിന്നു തളയ്ക്കും !

പോണപ്പാ...

2006-05-29T07:49:00.000+05:30

വിഷുക്കണിക്കായി തലേന്ന് പൂക്കളന്വേഷിച്ചിറങ്ങിയപ്പോഴാണു മേഘങ്ങള്‍ക്കിടയില്‍ ഒളിച്ചുകളിക്കുന്ന ചന്ദ്രികയെ കണ്ടത്. ഓടി വീട്ടിലേക്ക്.. ക്യാമറയുമായി തിരിച്ചെത്തിയപ്പോഴേക്കും മേഘങ്ങളെ പറഞ്ഞുവിട്ടിരുന്നു!
ക്ഷീണിച്ചുപോയത്രെ ! എങ്കിലും എനിക്കായി രണ്ടു മൂന്ന് പൊസുകള്‍ക്കുള്ള ദയ കാട്ടി.

വൈഡൂരക്കമ്മലണിഞ്ഞ്..

വൈഡൂരക്കല്ലുമാല ചാര്‍ത്തി..

പോണപ്പാ...

ഞാനും പോണപ്പാ.. പ്രവാസത്തിന്റെ ഒരു ഇന്നിങ്സിവിടെ അവസാനിക്കുന്നു..
നന്ദി!

ബാലെ ബാലെ ബാലെ

2006-05-17T13:05:00.000+05:30

പൂക്കളുടെ..
നിശ്ചലഗാനത്തിനൊരു ചുവട് തീര്‍ത്തുകൊണ്ട്..

നീലാകാശത്തിലെ ബാലെ
കണ്ണൂസിനായി..

ഗൌരീമനോഹരി....
ഹൃദയതാളത്തിനൊരു ചുവട്

വിരുന്ന്

2006-05-13T21:46:00.000+05:30

നവദമ്പതികള്‍

മെയിഡ് ഫോര്‍ ഈച്ച് അതര്‍ നവദമ്പതിമാര്‍‍ കലേഷും റീമയ്ക്കും...
ഇനി ഞാനായിട്ടൊന്നും തന്നില്ലെന്നു വേണ്ടാ.

താമസിച്ചുപോയതിന്റെ പാരിതോഷികം, ഇതൂടി ഇരിക്കട്ടെ

മരുഭൂമിയിലെ പരാതിക്കാര്‍ക്ക് കുറച്ച് “ഡെസേര്‍ട്ട്“ പൂക്കള്‍‍... ഹാവൂ

ഇത് കല്ല്യാണിക്കു്..വേറെയാരും ഡോണ്ട് ടച്ച്!!

ചെറിയ ലോകം

2006-04-19T00:36:00.000+05:30

അപ്രസക്തിയുടെ..
വലിപ്പത്തിന്റെ ജാഡകളില്ലാതെ..
അര്‍ത്ഥങ്ങളുടെ ഭാരമില്ലാത്ത..
ചെറുപുഞ്ചിരിയുടെ കിലുകിലുക്കം

തീര്‍ത്ഥയാത്ര

2006-04-11T20:35:00.000+05:30

പോരുവിന്‍ കൂട്ടരേ
താണ്ടുവാന്‍ ദൂരങ്ങളേറെയുണ്ടിന്നു്
നിശ്ചലത മരവിച്ചുണക്കിയ
വിരസമാം പതിവുദൃശ്യങ്ങള്‍ക്കപ്പുറം
കാണേണ്ടതുണ്ടിനി കാഴ്ചകളൊത്തിരി.

സെഡോണ

2006-03-26T15:06:00.000+05:30

യാത്ര: രണസ്മാരകങ്ങളേ..

സെഡോണയുടെ മാസ്മകരിക വര്‍ണ്ണങ്ങളില്‍ അലിഞ്ഞുപോയ ദേവരാഗത്തിനായി സമര്‍പ്പിക്കുന്നു.

യാത്ര: RGB

വര്‍ണ്ണങ്ങളിങ്ങനെയും

സെഡോണയിലേക്ക്

നിഴല്‍ക്കൂത്ത്

2006-03-23T03:45:00.000+05:30

ഒരിണചേരല്‍
മനപ്പൂര്‍വ്വം ഇങ്ങനെയെടുത്തതല്ല. ടെസ്റ്റ് ഷോട്ടിങ്ങനെ വന്നു. അതാണു കൂടുതലിഷ്ടപ്പെട്ടതും.

ശാപവും പേറി

2006-02-27T20:48:00.001+05:30

ഒരു ശാപത്തിന്റെ ഭാരവും പേറി..
ചലനമറ്റ്
ഉറഞ്ഞുപോയ മോഹങ്ങള്‍ മാറത്ത് ചമയിച്ചു്..

(സമയക്കുറവുമൂലം ഐതിഹ്യമൊന്നും ചികഞ്ഞെടുക്കാനായില്ല)

പൊലുക്ക്

2006-02-13T13:31:00.000+05:30

എത്തി വിക്കി അവള്‍ പറഞ്ഞൊപ്പിച്ചത് - പൊലുക്ക്
നാളത്തെയെത്തിപ്പിടിക്കലില്‍ അവള്‍ക്കുത് കൊലുസ്സാകും
ദൈവമേ ഞാനെന്ത് പറഞ്ഞ് തിരുത്തും ?

അച്ഛനെപ്പോലെ വളരേണം..

2006-02-13T13:10:00.000+05:30

അച്ഛനെപ്പോലയല്ല ആരേയും പോലെയാകരുത്,
വളരാതിരുന്നെങ്കില്‍ എന്നാശിച്ചുവോ ?
ഛേ!

ലുറെ റിഫ്ലക്ഷന്‍സ്

2006-02-04T12:37:00.000+05:30

ചിത്രജാലകം: ചിത്രശിലാപാളികള്‍
യാത്രാമൊഴിയുടെ ചിത്രശിലാപാളികള്‍ എനിക്ക് മറക്കാനാവാത്ത ഒരനുഭവമാണു്.
ഡാലി ചിത്രങ്ങളെ അനുസ്മരിക്കുന്ന പോലുള്ള ദൃശ്യങ്ങള്‍

ലുറെ ഗുഹകള്‍ക്കുള്ളിലൂടെയുള്ള യാത്ര,
സമയത്തിന്റെ തേരിലൂടെയുള്ള യാത്രപോലെ അനുഭവപ്പെട്ടു.
ഓരോ കോണുകള്‍ തിരിയുമ്പോഴും
മറ്റൊരു നൂറ്റാണ്ടിലേക്ക് എത്തപ്പെട്ട പ്രതീതി.
സമയമുറങ്ങിക്കിടക്കുന്നൂ ഇവിടം.
ഈ പ്രതിബിംബങ്ങളില്‍ പോലും സമയം ഘനീഭവിച്ചു കിടക്കുന്നു.

നിറങ്ങള്‍ പെയ്യുമ്പോള്‍

2006-02-04T12:24:00.000+05:30

ബ്ലോഗുകളിലാകെ മഴ.
അതിലൊലിച്ചിറങ്ങിയ വര്‍ണങ്ങള്‍.

വിശപ്പു്

2006-01-28T13:15:00.000+05:30

Suryagayatri: പാഠം ഒന്ന്...
ചുള്ളിക്കാടു് പറഞ്ഞതെത്ര സത്യമാണ് യാത്രാമൊഴി,
വിശപ്പാണു് പരമമായ സത്യം, ബാക്കിയെല്ലാം വെറും പൊങ്ങച്ചമാണ്.

വിശപ്പാണു് പരമമായ സത്യം
ആ സത്യത്തിന്റെ തീയില്‍ വെന്തുരുകിയതു്
ഗീതയും ഖുറാനും ബൈബിളും സകല വേദാന്തങ്ങളും
അതിന്റെ നിഴലില്‍ വിളറി വെളുത്ത പൊയ്‌മുഖം
ദൈവത്തിന്റേയും.
അതിന്റെ കനലുകള്‍ ചിതറിക്കിടന്നതു്
സ്വത്വാന്വേഷണപാതകളുടെ ആഡംബരങ്ങളിന്മേലും.
കനലുകളുടെ അരണ്ട വെളിച്ചത്തില്‍ തെളിഞ്ഞ നഗ്നത
ആത്മീയതയുടേയും.

ലൈഫ് ഈസ് ബ്യൂട്ടിഫുള്‍

2006-01-03T06:09:00.000+05:30

സൂര്യ വരുണ സംഗമം

ജാലകക്കാഴ്ചകള്‍

2005-12-21T16:16:00.000+05:30

മഞ്ഞില്‍ വിരിഞ്ഞ പൂക്കള്‍

ഓര്‍മ്മകള്‍ക്കായൊരുപാടു മുത്തുമണികളെറിഞ്ഞുതന്ന ജാലകം.
2005 ഫെബ്രുവരിയിലാണു ശൈത്യത്തിന്റെ വെള്ളപൂശിയ ഈ ലോകത്തു ഞാനെത്തപ്പെട്ടതു്. അന്നുകണ്ട ജാലകമാണിത്. പിന്നീടെത്രയെത്ര കഥകളും കാഴ്ചകളും ഈ ജാലകത്തിലൂടെ..

സ്നോ ലോറിസുകള്‍

ഒരു മഞ്ഞുമഴയ്ക്കുശേഷം,മരച്ചില്ലകളില്‍ വീഴാതെ പറ്റിപ്പിടിച്ചിരിക്കുന്ന സ്ലോ ലോറിസുകളെപ്പോലെ.
കൊടും തണുപ്പുകാരണം ജനല്‍ തുറക്കാതെ ഗ്ലാസ്സിലൂടെയെടുക്കേണ്ടി വന്നൂ ഈ ചിത്രം

വിഷുക്കണി

വിഷുവിന്റന്നു ബ്ലയിന്റുകള്‍ നീക്കിയപ്പോഴാണു ഞങ്ങള്‍ക്കായി കണിയൊരുക്കിയിരുന്നുവെന്നറിഞ്ഞതു്.
അപ്പോള്‍ത്തന്നെ (പാതിരായ്ക്കു) പുറത്തിറങ്ങി പടവുമെടുത്തു കൂട്ടുകാര്‍ക്കെല്ലാം ചൂടോടെ വിഷുദിനാശംസകളയച്ചു.

മഴത്തുള്ളിക്കിലുക്കം

ഒരു മഴത്തുള്ളിക്കിലുക്കത്തില്‍ കണ്ണുകള്‍ കുളിര്‍ത്തപ്പോള്‍

സ്നേഹമഴ

ഒരു പറ്റം ഓര്‍മ്മകള്‍ നനച്ചുകൊണ്ടു വീണ്ടും.. മഴ നനഞ്ഞതും, നനയാതെ മഴ തോരാനായി ആരുടേയോ വീടിന്റുമ്മറത്തു കാത്തുനിന്നതും, ഒരു ബീഡിയുണ്ടായിരുന്നെങ്കിലെന്നാശിച്ചതും ഒക്കെ..

അപ്പുവും ഗൌരിയും

ഇവരും ശ്രോതാക്കള്‍. മറ്റൊരു കഥപറയവേ.

ജാലകത്തിലൂടെ ഒന്ന്
ജാലകത്തിലൂടെ രണ്ട്
ജാലകത്തിലൂടെ മൂന്ന്

ചന്ദ്രതിലകം (നട്ടുച്ചയ്ക്കു്)

2005-12-11T15:16:00.000+05:30

പുലരിപ്പെണ്ണിനെക്കാണാന്‍ പൂതിയുള്ളോര്‍ ഏറെ
സന്ധ്യയെക്കുറിച്ചു വാചാലമാകാന്‍ ദേ കവികള്‍ ക്യൂ നില്‍ക്കണു്
നട്ടുച്ചയെക്കുറിച്ചു എഴുതുവാന്‍ ആരുമില്ലേ.?

ചവറ്

2005-11-04T03:24:00.000+05:30

ചവറിന്റെ അപ്രസക്തി.
ഒരു ബസ് യാത്രയ്ക്കിടയില്‍ ഞാനുമെന്റെ ബംബായ് വാലാ സുഹൃത്തും കേള്‍ക്കാനിടയായയൊരു സംഭാഷണമാണീ ചവറിന്റെ തര്‍ക്കശാസ്ത്രത്തിനുപിന്നില്‍. മദ്ധ്യവയസ്കയായയൊരു സ്ത്രീ ബസ്സോടിച്ചിരുന്ന ഡ്രൈവറുമായി അവരുടെ പ്രശ്നങ്ങളുമായി വാചാലയാകുന്നു. പൊട്ടലും ചീറ്റലും വിങ്ങലുമൊക്കയായി സംഭാഷണം നീണ്ടുപോകുന്നു. ഡ്രൈവര്‍ ഇടയ്ക്കിടെ സാന്ത്വനവാക്കുകളിലൂടെ പ്രതികരിച്ചുകൊണ്ടിരുന്നു.
ഞങ്ങള്‍ക്കിറങ്ങേണ്ട സ്ഥലത്ത് വണ്ടി നിര്‍ത്തി, ഞങ്ങളിറങ്ങി ഓഫീസ്സിലേക്കു നടക്കുന്നതിനിടയില്‍ എന്റെ സുഹൃത്ത് നെടുവീര്‍പ്പിട്ടുകൊണ്ടു പറഞ്ഞു “what crap she was talking , man”. അതെ ചവറ് തന്നെ, ഞാന്‍ അനുകൂലിച്ചു ചിരിച്ചു.
ഇനി കഥാപാത്രങ്ങളെയൊന്നു തലതിരിച്ചുവച്ചുനോക്കിയാലോ?. ഞാനും സുഹൃത്തും വാചാലമാകുന്നു. സംഭാഷണം മൈക്രൊസോഫ്റ്റും, ലിനക്സുമൊക്കെയാണെന്നിരിക്കട്ടെ. അല്ലെങ്കില്‍ വിശ്വസാഹിത്യം തന്നെയായിക്കോട്ടെ. ഇതും കേട്ടുംവച്ചു ബസ്സിറങ്ങിപ്പോകുന്ന സ്ത്രീയും ഒരുപക്ഷെ പറയുക മറിച്ചായിരിക്കില്ല , “എന്തു ചവറാണവറ്റകള്‍ സംസാരിച്ചതു്“
അങ്ങനെവരുമ്പോള്‍ ഐന്‍സ്റ്റീന്റെ ഭാഷയില്‍ പറഞ്ഞാല്‍ ‘crap is relative’

തക്കാളീ കൊല

2005-10-29T11:37:00.000+05:30

തക്കാളിയിലടങ്ങിയിരിക്കുന്ന കാലൊറിയെത്രയെന്നു് ഞാന്‍ ഇതുവരെ അന്വേഷിച്ചിട്ടില്ല. പക്ഷെ തക്കാളിയുള്‍പ്പടെ ഭക്ഷിക്കുന്നതെന്തിലുമടങ്ങിയിരിക്കുന്ന കാലൊറിയും മറ്റും തിട്ടപ്പെടുത്തുന്ന ഭക്ഷണക്രമങ്ങള്‍ ഇന്നത്തെ കാലഘട്ടത്തിന്റെ ആവശ്യകതയായി മാറിയിരിക്കുന്നു. എന്നുമുതലാണു് നാം കാലൊറികളുടെ പിറകേ പോയിത്തുടങ്ങിയതെന്നെനിക്കറിയില്ല. എന്റമ്മോ, യാന്ത്രികതയുടെ മറ്റൊരു മുഖമോ ഇതു്

മഴത്തുള്ളിക്കിലുക്കം

2005-10-20T01:13:00.000+05:30

വിട

2005-10-18T09:54:00.000+05:30

പൂവിനോടും വിട
പൂമ്പൊടിയോടും വിട
പൂമ്പാറ്റയോടും വിട..
പിന്നെ കാറ്റിനും കോളിനും, ഉദയനും ചന്ദ്രനും, മഴയ്ക്കും മഴവില്ലിനും, വെയിലിനും വയലിനും... വേറെയാർക്കാണ്ടോയൊക്കെ വിട..